Zindeeq ka hukam

Unit 2 

Lesson 10

زندیق کا حکم

زندیق جو اپنے کفر کو اسلام ثابت کرنے پر تلا ہوا ہو اس کا معاملہ مرتد سے بھی زیادہ سنگین ہے

امام شافعیؒ اور مشہور روایت میں امام احمدؒ فرماتے ہیں کہ اس کا حکم بھی مرتد کا ہے یعنی اس کو موقع دیا جائے کہ وہ توبہ کر لے

اگر تین دن میں اس نے توبہ کر لی تو اس کو چھوڑ دیا جائے گا اور اگر اس نے توبہ نہ کی تو وہ بھی واجب القتل ہے   پس ان حضرات کے نزدیک تو مرتد اور زندیق دونوں کا ایک ہی حکم ہے

 لیکن امام مالکؒ فرماتے ہیں

لا اقبل توبۃ الزندیق

میں زندیق کی توبہ قبول نہیں کروں گا

مطلب یہ ہے کہ کسی شخص کے بارے میں اگر پتہ چل جائے کہ یہ زندیق ہے اپنے کفر کو اسلام ثابت کرتا ہے اور پکڑا جائے پھر کہے کہ جی میں توبہ کرتا ہوں آئندہ میں ایسی حرکت نہیں کروں گا تو اس کی توبہ کا قبول کرنا اللّہ کا کام ہے ہم تو اس پر قانون سزا نافذ کریں گے 

اس کے وجود کو باقی نہیں رکھیں گے جیسے زنا کی سزا توبہ سے معاف نہیں ہوتی  بہرحال اس پر سزا جاری کی جاتی ہے چاہے آدمی توبہ ہی کر لے جیسا کہ چوری کرنے پر ہاتھ کاٹنے کی سزا ملتی ہے

یہ سزا توبہ سے معاف نہیں ہوتی کوئی شخص چوری کرنے اور پکڑے جانے کے بعد توبہ کر لے  تب بھی اس کا ہاتھ کاٹا جائے گا

اسی طرح امام مالک فرماتے ہیں

 لا اقبل توبۃ الزندیق

 کہ میں زندیق کی توبہ قبول نہیں کرتا 

 یعنی زندیق کی سزا توبہ سے معاف نہیں ہوگی اس پر سزائے موت لازماً جاری کی جائے گی   خواہ ہزار بار توبہ کر لے اور یہی ایک روایت ہمارے امام ابوحنیفہؒ سے اور امام احمد بن حنبلؒ سے بھی منقول ہے

  لیکن درمختار شامی اور فقہ کی دوسری کتابوں میں ہے کہ اگر کوئی زندیق از خود آ کر توبہ کر لے مثلاً کسی کو پتہ نہیں تھا کہ یہ زندیق ہے   اس نے خود ہی اپنے زندقہ کا اظہار کیا اور اس نے توبہ بھی کی تو اس کی توبہ قبول کی جائے گی

 اسی طرح اگر یہ تو معلوم تھا کہ یہ زندیق ہے  مگر اس کو گرفتار نہیں کیا گیا بلکہ اللّه تعالیٰ نے اس کو ہدایت دے دی اور وہ اپنے آپ آ کر تائب ہو گیا اور اپنے زندقہ سے توبہ کر لی

 جی میں مرزائیت سے توبہ کرتا ہوں تو اس کی توبہ قبول کی جائے گی اور اس پر سزائے ارتداد جاری نہیں کی جائے گی لیکن اگر گرفتاری کے بعد توبہ کرتا ہے تو اس کی توبہ قبول نہیں کی جائے گی چاہے سو دفعہ توبہ کرے