Imam Mehdi ki Nishaniyan

Unit : 2 

Lesson : 1

امام مہدیؓ کی نشانیاں  

 امام مہدی کی نشانیاں تو بہت ہیں مگر میں صرف ایک نشانی بیان کرتا ہوں اور وہ یہ کہ بیت اللّہ شریف میں حجر اسود اور مقام ابراہیم کے درمیان ان کے ہاتھ پر بیعت خلافت ہو گی 

امام الہند شاہ ولی اللّہ محدث دہلوی رحمۃ اللّہ علیہ ازالة الخفاء میں لکھتے ہیں

 ہم یقین کے ساتھ جانتے ہیں کہ آنحضرت ﷺ  نے نصیحت فرمائی ہے کہ امام مہدیؒ قریب قیامت میں ظاہر ہوں گے اور وہ اللّه تعالی اور اس کے رسول ﷺ کے نزدیک امام برحق ہیں اور وہ زمین کو عدل و انصاف کے ساتھ بھر دیں گے جیسا کہ ان سے پہلے ظلم اور بے انصافی کے ساتھ بھری ہوئی ہو گی

پس آنحضرت صلی اللّہ علیہ و آلہ و سلم نے اس ارشاد سے امام مہدیؒ کے خلیفہ ہونے کی پیشگوئی فرمائی اور امام مہدی کی پیروی کرنا ان امور میں واجب ہوا جو خلیفہ سے تعلق رکھتے ہیں جبکہ ان کی خلافت کا وقت آئے گا لیکن یہ پیروی فی الحال نہیں بلکہ اس وقت ہوگی جب ان کا ظہور ہوگا اور حجر اسود اور مقام ابراہیم کے درمیان ان کے ہاتھ پر بیعت خلافت ہو گی

حضرت شاہ صاحب رحمۃ اللّہ علیہ کی اس عبارت سے معلوم ہوا کہ حدیث نبوی ﷺ  کی رو سے 

1-

 سچے مہدیؓ کا ظہور قرب قیامت میں ہوگا  

2- 

امام مہدیؒ مسلمانوں کے خلیفہ اور حاکم ہوں گے

3- 

رکن ومقام  کے درمیان حرم شریف میں ان کے ہاتھ پر بیعت خلافت ہو گی۔ اس سے واضح ہوجاتا ہے کہ مرزا غلام احمد قادیانی وغیرہ جن لوگوں نے ہندوستان میں مہدی ہونے کا دعویٰ کیا ان کا دعویٰ جھوٹ تھا۔