Musaqat ka bayan

مُساقات کا بیان 

سوال : مُساقات  کیا  ہے؟

جواب : یہ  لغت کی رو سے سٙقیُ (یعنی  سراب  کرنے  )کا  (باب )مفاعلة ہے اور  یہ  فقہاء کی اصلاح  میں  پھل دار  درختوں کو  مثلاً تنہائی یا  چوتھائی (پیداوار ) پر کارکن  کو دینا ہے جو ان ( درختوں ) میں کام  کرے ۔ 

 سوال : اس  معاملہ کا حکم  کیا  ہے ؟ 

جواب : حضرت  ابو  حنیفہ  رحمة اللہ تعالی کے نزدیک یہ معاملہ باطل ہے اور  حضرت ابو یوسف و حضرت محمّد رحمہما اللّه تعالی  فرماتے ہیں  کہ مساقات جائز ہے بشرطیہ وہ  دونوں  معلوم مدت  ذکر کریں اور  پھل  کا  حصہ  بطریق  مشترق  مقرر  کریں اور  فتوی ( صاحبین  رحمہما  اللّه تعالی ) کے قول پر ہے ۔ 

سوال : کون  سے  درختوں  میں  مساقات  صحیح ہے ؟ 

جواب : یہ  درختِ خرما اور انگوروں  میں اور  ان  کے  علاوہ  درختوں  اور  ترکاریوں  میں  اور  بینگنوں کی  جڑوں  میں  صحیح  ہوتی ہے ۔ 

سوال : کیا  اس  بارے  میں  کوئی  شرط ہے  ؟ 

جواب : جب درختِ خرما  یا  اسکے  سوا (درخت وغیرہ ) مساقات پر  دے  اور  عمل  سے پھل زیادہ  ہو  تو  جائز  ہے  اور  اگر  ( پھل ) انتہا  کو  پہنچ  جاۓ  یعنی  عمل  سے  (پھل ) زیادہ  نہ  ہو  (تو ) عقد  مساقات  جائز  نہیں ۔ 

سوال : جب  مساقات  فاسد  ہوجاۓ  تو  کارکن کو  کیا  دیا جاۓ ؟ 

جواب :  اسے  اس  کی اجرت مثل  دی  جاۓ ۔ 

سوال : کیا  یہ  ( یعنی مساقات مختلف  صورتوں میں سے   کسی صورت  میں باطل  ہو جاتی  ہے ؟  

جواب : جی ہاں ! یہ ( عقد مساقات  کرنے  والے ) دونوں (شخصوں ) میں  سے کسی  ایک  کے  مرنے  سے  باطل  ہوجاتی  ہے جیسا  کہ  اس  کی  وجہ  سے  مزارعت باطل  ہوجاتی  ہے۔

سوال : کیا  بعض حالات  میں مساقات توڑ دی  جاتی  ہے ؟ 

جواب: (مساقات ) عذروں  کی وجہ  سے  توڑ دی  جاتی  ہے  جیسا  کہ  ان  کی وجہ  سے  اجارہ  توڑ دیا  جاتا  ہے ۔