Adaab-E-Talib-E-Hadees

آداب طالب حدیث 

 اَدِّبُو النَّفسَ اَیُّھَا الاَصحَابُ طَرق العِلمِ کُلّھَا آدَاب

چند آداب ترتیب وار لکھے جاتے ہیں ، آپ ﷺ کے فرمان عالی سے آغاز ہوتا ہے ۔

 مَن اَرَادَاَن یحفَظَ العِلمَ فَعَلَیہ اَن یُّلازِمَ خَمسَ خِصَالٍ

 الاولیٰ صلٰوة الیل ولو رکعتین 

الثانیة دٙوام الوضؤ

 الثالثة التَّقویٰ فی السرو العلا نیة 

 الرابعة ،اَن یَّاکُلَ لِلتقویٰ لاَلِلشّھو اَتِ 

 الخَامِسَة السواک۔ 

جو شخص حفاظت علم کا ارادہ پس لازم ہے اس پر پانچ خصلتوں کا التزام کرے 

پہلی نماز تہجد اگرچہ دو ہی رکعت ہوں

دوسری ہر وقت باوضو رہنا 

(طہارت ظاہری و باطنی کا اہتمام )

تیسری تقویٰ اختیار کرنا ظاہر و باطن 

میں چوتھی کھاوے وہ شخص واسطے 

تقوی کے نہ کہ شہوت کے

پانچویں مسواک کا اہتمام

١- اخلاص

علم حدیث میں محنت صرف اس لیے کرے کہ حق تعالیٰ کی رضا حاصل ہو اور احکام اسلامیہ کا علم ہو جاۓ۔کیونکہ:

ابوہریرہ سے مرفوع حدیث مروی ہے 

من تعلّم علماً مماّ یبتغی بہ وجہ اللّه ، لا یتعلمہُ ، اِلا لیصیبَ بہ عرضاً من الدنیا ، لم یجد عرف الجنة یوم القیام 

جو شخص علوم دینیہ کو دنیاوی سازو  سامان کے لیے حاصل کرتا ہے وہ قیامت کے دن جنت کی خوشبو تک نہ پاۓ گا

(مشکوٰة ص ٣٤)

٢- اخلاق حمیدہ

علم حدیث کے طالب اور طالبہ کو عمدہ اخلاق کا اہتمام اور رذائل (عادات سئہ) سے اجتناب ضروری ہے۔

حضرت ابو عاصم بنیل رحمۃ اللّه علیہ فرماتے ہیں

 من طلب ھذالحدیث طلب اعلیٰ امورِالدین،فیجب ان یکون ھو خیرالناس 

جس نے علم حدیث کو حاصل کیا اس نے دین کے عمدہ مسائل کو حاصل کیا پس واجب ہے کہ خود بھی لوگوں میں بہتر اخلاق والا ہو 

 سؤ الخُلق لیفسِدُالعمل کما یُفسِدالخَلُّ العسل

بداخلاقی اعمال کو ایسے بگاڑ دیتی ہے جیسے سرکہ شہد کو فاسد کر دیتا ہے

  اخلاق حمیدہ میں سر فہرست تواضع اور برے اخلاق میں تکبر ہے۔

٣-  محنت   

                                             

ہر طالب حدیث کو چاہۓ طلب حدیث میں بساط بھر 

کوشش اور خوب محنت کرے اور زمانہ طالب علمی کو غنیمت سمجھے اور دن رات محنت کر کے علم حدیث حاصل کرے ، تن آسانی کی بجاۓ جانفشانی سے آگے بڑھیں

محدّث یحییٰ ابن ابی کثیر رحمتہ اللّه علیہ فرماتے ہیں

 لا یستطاع العلمُ بِراحة الجسم

 علم راحت جسمانی سے نہیں حاصل ہوتا

 امام شافعیؒ فرماتے ہیں

 لا یفلح من طلب ھذاالعلم بالتملُّل وغنی النفس وٰلکن من طلبہ بذلة النفس وضیق العیش وخدمة العلم افلح 

جس نے علم حدیث سستی و لاپرواہی سے حاصل کیا وہ کامیاب نہ ہو گا لیکن جس نے اس علم کو عاجزی نفس ، تنگی عیش اورخدمت سے حاصل کیا وہ کامیاب ہو گا ۔ 

اور مشہور شعر ہے

من  طلب  العُلیٰ  سَھِرَ اللیالی

جو بلندیوں کا طالب ہووہ رات کو جاگتا ہے۔

 بقدر  الکدِّتکتسب  المعالی

کیونکہ بقدر محنت ہی مراتب علیا حاصل ہوتے ہیں۔

 ٤- کلماتِ تعظیم 

                                                   

احادیث پڑھنے میں راویوں کے نام کے ساتھ دعاٸیہ کلمات کااہتمام کیا جاۓ

 اللہ تعالیٰ کے نام کےساتھ تعظیمی لفظ کہے مثلاً  عزّوجل ، عزّاسمُہ، جلّ مجدُہ، سبحانہ و تعالیٰ وغیرہ 
اور آنحضرت ﷺ کے نام پر درود شریف پڑھیں مثلاً 

صلّی اللّه علیہ وسلّم
 اور صحابہ کرام کے نام پر

رضی اللّه عنہ ، رضی اللّه عنھم 
اور صحابیات کے نام پر رضی اللّه عنھا، رضی اللّه عنھنّ

 اٸمہ و علماء کے نام پر 

رحمہ اللّه ، رحمھم اللّه ، رحمتہ اللّه علیہ نور اللّه مرقدہ ، مرحوم  ، مغفور کہیں ۔ 

۵- 

                                                    علم و عمل                                                                                            

 عبادات ، اخلاق ، آداب کی جو حديث پڑھیں اس پر عمل کریں کیونکہ اس سے حدیث محفوظ ہوجاتی ہے اور ثواب بھی ملتا ہے۔

 امام وکیعؒ فرماتے ہیں

 اذاردتَ ان تحفظ الحدیث فاعمل بہ

جب تو حدیث یاد کرنے کا ارادہ کرے تو اس پر عمل کیجیے

 امام احمد بن حنبلؒ فرماتے ہیں

ما کتبتُ حدیثاً الا وقد عملتُ بہ ، حتی مرَّبی انّالنبیﷺ اجتجم ، واعطیٰ ابا طیبة الحجام دیناراً ، فا حتجمت واعطیت الحجام دیناراً

 میں نے کوئی حدیث نہیں لکھی مگر اس پر عمل کیا حتیٰ کہ میرے سامنے یہ حدیث گزری کہ نبی ﷺ نے پچھنے لگواۓ ، اور ابو طیبہ حجام کو ایک دینار ( سونے کا سکہ) دیا تو میں نے اتباع میں پچھنے لگواۓ ، اور حجام کو ایک دینار دیا ۔

                                                    ٦-ادب       

اپنے شیخ،استاد، والدین، کتاب، مدرسہ،احباب،ہم مکتب تمام کی تعظیم وادب علم نافع کے حصول کے لیے ناگریز ہے ،ورنہ مشہور ہے

                                                     

بےادب محروم گشت از فضلِ ربّ

 چناچہ حضرت عمر ؓ کا ارشاد ہے 

تو اضعو المن تَعَلَّمونَ منہ  

جن سے علم سیکھتے ہو ان سے عاجزی و ادب سے پیش آٶ 

اسی طرح حضرت علیؓ فرماتے ہیں 

 اَنا عبدُمَن عَلَّمنی حرفاً، اِن شاءباع،وان شاءاعتق  

جس نے مجھے ایک حرف سکھایا میں اسکا غلام ہوں اور وہ میرا آقا ہے اگرچہ مجھے بیچے یا آزاد کرے

استاد کی تعظیم کا معیار یہ ہے کہ پس پشت بھی کوئ ایسا قول وفعل نہ ہو جو استاد تک پہنچنے کی صورت میں اس کے لیے باعث اذیت ہو،اور یہ بھی ادب ہے کہ علمیت میں استاد کی ترجیح کا اعتقاد رکھے،ورنہ علم سے انتفاع نہ ہوگا۔

ادب کا حاصل ہے حفظ حدود اور اداۓ حقوق حدود کا خیال رکھتے ہوۓسب کے حقوق ادا کرنا۔ورنہ اس میں کوتاہی پر ندامت و حسرت ہوگی۔

بقول شاعر

افسوس ہے وقت سے مہلت نہ لے پاۓ ہم
جو استادوں کا حق تھا ان کو وہ عزت نہ دے پاۓ ہم
جو ہم سے ہو نہیں پایا وہ کام اب تم کرنا
مدرسے کی قدر کرنا معلم کا ادب کرنا

Sight of Right