Al-Quraan

*قرآنِ کریم کی تعریف*

قرآنِ کریم خداٸے لم یزل ولا یزال اور متعال کا وہ ازلی اور ابدی مقدس کلام معجز ہے جو بذریعہ وحی افضل کاٸنات
  سید رحمت العالمین مُحَمَّد ﷺ   پر حسب ضرورت ٢٣ سال کی مدت میں تھوڑا تھوڑا نازل ہو کر ہم تک تواتر کے ساتھ اس
 طرح  پہنچا ہے کہ اس میں ایک لفظ تو کیا ایک نقطے کا بھی تغیر اور تبّدل نہیں
 ہے۔

*نزولِ قرآن*

قرآنِ پاک کے نزول کی ابتداء لیلة القدر (شب قدر) میں ہوئی جیسا کہ اللّه تعالی کا ارشاد ہے

اِنَّاۤ اَنۡزَلۡنٰهُ فِىۡ لَيۡلَةِ الۡقَدۡرِ ۞ 

ہم نے اِس (قرآن) کو شب قدر میں نازل کیا ہے

جس وقت آپﷺ کی عمر مبارک 40 سال ہوٸی پیر کے دن آپ ﷺ غارِ حرا میں خلوت میں  عبادت کیلٸے جایا کرتے تھے ۔ غارِ حرا مکّہ میں ہے ایک اونچا پہاڑ ہے

پیر کے دن سب سے پہلی آیت 

اِقۡرَاۡ بِاسۡمِ رَبِّكَ الَّذِىۡ خَلَقَ‌ۚ ۞ 

پڑھو (اے نبیؐ) اپنے رب کے نام کے ساتھ جس نے پیدا کیا

نازل ہوٸی، سورة علق کی پہلی پانچ (5) آیتیں نازل ہوٸیں 

بخاری اور مسلم کی روایت ہے کہ

 حضرت عاٸشہ ؓ فرماتی ہیں کہ  آپ ﷺ غارِ حرا میں خلوت میں عبادت کیلٸے جایا کرتے تھے ۔ اسکے بعد حسبِ موقع آیات اور سورتیں نازل ہوٸیں جن میں مکّی ، مدنی ، سفری مختلف سورتیں ہیں ۔

نزولِ قرآن کے لحاظ سے سورة اور آیت کی قسمیں

قرآن کریم کا جو حصہ جو آیات ہجرت سے پہلے نازل ہوئیں انہیں مکّی کہتے ہیں

جو آیات ہجرت کے بعد نازل ہوئیں انہیں مدنی کہتے ہیں ۔

نزول کے لحاظ سے ایک قول یہ بھی ہے کہ آیات اور سورة کے جس حصہ میں اہلِ مکہ سے خطاب ہے وہ مکّی ہے 

آیات اور سورة کے جس حصہ میں اہلِ مدینہ سے خطاب ہے وہ مدنی ہے 

( چاہے ہجرت سے پہلے نازل ہوٸی چاہے بعد میں)