Ilam Ul Tajveed

عِلمُ التّجوید کا لغوی معنی

اَلاتیَان بِالجَیّدِ 

(ستھرا کرنا ،کھرا کرنا ،عمدہ کرنا حرُوف کو )

علم التّجوید کا اِصطلاحی معنی 

اَلتَّجوِیدُ عِبَارَة اِخرَاجُ کُلّ حَرُفٍ مّن مَّخرَجِہ وَ اِعطَا ُٕ حَقّہ مِنَ الصّفَاتِ مُکَمَّلاً  

علم التّجوید کی غرض و غایت و فائدہ

 علم التّجوید کی غرض و غایت یہ ہے کہ قرآن مجید کو صحیح طور پہ پڑھنا آجائے اور فائدہ یہ ہے کہ اللّٰہ تعالی کی خوشنودی حاصل ہو ۔

عِلمُ التّجوید کا موضُوع

علم التّجوید کا موضوع حُروفِ تہجی ہے۔

س:علم التّجوید کا حاصل کرنا شرعی طور پر فرض عین ہے یا فرض کفایہ؟

ج:علم التّجوید کا حاصل کرنا شرعی طور پر ہر مسلمان مرد اور عورت پر فرضِ عین ہے اور کتابی صُورت میں یہ علم حاصل کرنا فرضِ کفایہ ہے

اَلَّلحنُ

س :  لحن کسے کہتے ہیں؟

ج : اصول تجوید کے خلاف اور بے قاعدہ پڑھنے کو لحن کہتے ہیں 

 توضیح الجواب

جاننا چاہئیے کہ اللّٰہ تبارک وتعالی نے قرآنِ کریم کو تجوید کے ساتھ نازل کیا ہے جیسا کہ فرماتے ہیں

     

    وٙرٙتّٙلُنٙاہُ تٙرتِیلاً اٙئ اٙنزٙلنٙاہُ بِالتّٙرتِیلِ وٙھُوٙ التّٙجوِیدُ 

اور تجوید کی فرضیت کتاب و سنّت اور اجماع امّت سے ثابت ہو چکی ہے. حضرت علاّمہ جزریؒ فرماتے ہیں

وٙالاٙخذُ بِالتّٙجوِیدِ حٙتم لّٙازِم 

مٙن لّٙم یُجٙوّدِالقُراٰنٙ اٙثِم 

اور اَخذ کرنا تجوید کا واجب و لازم ہے جس نے تجوید حاصل نہ کی قرآن کو مجوّد نہ کیا وہ گناہ گار ہے. اُصولِ تجوید کے خلاف قرآن کریم پڑھنا حرام ہے. اللّٰہ تعالی فرماتے ہیں   

قُراٰناً عٙرٙبِیًّا غٙیرٙ ذِئ عِوٙج 

 کہ وہ عربی قرآن ہے جس میں ذرا بھی کجی نہیں لہذا قاری کےلیے ضروری ہے کہ وہ لحن کی معرفت حاصل کرے تاکہ اس سے اجتناب کر سکے

علامہ حقانیؒ فرماتے ہیں

فٙاوّٙل عِلمِ الذّکرِ اِتقٙانُ حِفظِہ 

ومعرفة باللحنِ من فیکٙ اذ یجری 

پس اوّل علمِ قرآن یہ ہے کہ حفظ لفظی اس کا مضبوط ہو.

اور دوم یہ کہ معرفت لحن ہو اس لئے کہ وہ تیرے منہ سے واقع ہوتا ہے

فٙکُن عٙارِفاً بِاللّٙحنِ کٙیمٙا نٙزِیلُہ 

وٙمٙا لِلّذِی لا یٙعرِفُ اللّٙحنٙ مِن عذرِی 

سو ہوجاتا تو لحن کو سمجھنے والا کہ وہ کیسے اور کہاں واقع ہوتا ہے اور نہیں ہے کسی شخص کے لیے یہ عذر معتبر کہ وہ لحن جانتا نہیں ہے ۔

اسی واسطے اصول تجوید کے خلاف اور بے قاعدہ پڑھنے کو لحن کہتے ہیں اور یہ دو قسم پر ہوتا ہے

 لحن جلی و لحن خفی ۔ 

اللَّحنُ الجَلِیُّ

س: لحنِ جلی کسے کہتے ہیں ؟

ج: ظاھر اور کھلی ہوئی غلطی کو لحنِ جلی کہتے ہیں 

س:لحنِ جلی کا وقوع کتنی قسم پر ہوتا ہے؟ 

ج:لحنِ جلی کا وقوع کئی قسم پر ہوتا ہے 

نمبر ١ یہ کہ حرفِ عربی کی جگہ حرف مخترع اور غیر عربی پڑھ لیا جائے جیسے 

قُل کی جگہ گُل 

جِبال کی جگہ گِبال 

اور حَق کی جگہ حَگ وغیرہ 

نمبر ۲ یہ کہ مخارج میں غلطی کی جائے  اور ایک حرف کو دوسرے حرف سے بدل دیا جائے ۔

جیسے اَلحَمدُ کی جگہ اَلھٙمدُ

 قَلب کی جگہ کَلب

قُل کی جگہ کُل 

قَالَ کی جگہ کَالَ 

حٙالٙ کی جگہ خٙالٙ  

اور خٙابٙ کی جگہ خاب وغیرہ 

نمبر ٣ :  یہ صفاتِ لازمہ ممیرہ میں غلطی کی جائے اور کسی حرف کو غیر متعلّقہ صفت سے موصوف کیا جائے۔ 

جیسے ص کو س سے 

اور ط کو ت سے 

ظ کو ذ سے 

ض کو ظ د سے بدل کر

عصٰی کی جگہ عسٰی

صِرٙاط کی جگہ صِرٙات   

مٙحظُورًا کی جگہ مٙحذُورًا

المٙغضُوب کہ جگہ المٙغظُوب 

وَالَا الضّٙالینٙ  کی جگہ  وَلَا الظّآلِینٙ  یا  وَلَا الدّٙالّین  پڑھ دیا جائے۔

نمبر ۴ : یہ کہ حرکات میں غلطی کی جائے اور ایک حرکت کو دوسری کی جگہ پڑھ دیا جائے 

جیسے اٙنعَمتَ کو اَنعَمتِ

اِیّٙاکَ کو اَیَّاکِ اور 

اِھدِنَا کو اَھدِنَا پڑھ دیا جائے 

نمبر  ۵ : یہ کہ حرکت و سکون میں غلطی کی جاٸے اور متحرک کو ساکن اور ساکن کو متحرک کردیا جاٸے۔

جیسے قَتَلَ کو قَتُلَ

جَعَلْنَا کو جَعَلَنَا  

اَنعَمْتَ کو اَنعَمَتَ

اُکُلَھَا کو اُکْلَھَا

رَفَثَ کو رَفْثَ وغیرہ پڑھ دیا جائے۔

نمبر ٦ : یہ کہ بے جا حذف و اضافہ کیا جائے یا حرکت مشبعہ کو غیر مشبعہ پڑھ دیا جائے جیسے

یُقِیمُونَ کو یُقِیمُنَ

یَفعَلُونَ کو یَفعَلُنَ 

اَلحَمدُ کو اَلحَمدُو

اِیَّاکَ کو اِیَّاکٰ

لَم یُولَد   کو   لَم یُلَد  

عَسٰی کو عَسَی  

وَقَضیٰ کو وَقَضَی وغیرہ پڑھ دیا جائے۔ 

نمبر٧ : یہ کہ تشدید و تخفیف میں غلطی کی جائےاور مشدد کو مخفف یا مخفف کو مشدّد کر دیا جائے جیسے

فَعّٙال کو فَعَال

مُستَقَرّ کو مُستَقَر 

اِیَّاکَ کو اِیَاکَ 

ھٙمّٙازٍ مَشّٙآءٍ کو ھَمَازٍ مَشَآءٍ

قَدَرٙ کو قَدَّرَ وغیرہ پڑھ دیا جائے۔

نمبر ٨ : یہ کہ مفرد کو تثنیّہ اور تثنیّہ کو مفرد کر دیا جائے جیسے 

قَالَ کو قَالَا  

قَتَلَ کو قَتَلا

جَعٙلَ کو جَعَلَا

بَلَغَا کو بَلَغَ

نَسِیا کو نَسِیَ

جَاوَزَا کو جَاوَزَ  

وغیرہ پڑھ دیا جائے۔ 

خلاصہ کلام یہ کہ مخارج ،صفاتِ لازمہ ،اعراب ، حرکات وسکنات ، تخفیف و تشدید ،مفرد و تثنیہ  حذف و اضافہ اور گھٹاؤ بڑھاؤ  وغیرہ کی غلطی کو لحن جلی کہتے ہیں۔ 

جو حرام و ممنوع، موجبِ عذاب و عقاب اور بسا اوقات مُفسدِ صلٰوة ہے

 اَللَّحنُ الخَفِیُّ

س : لحن خفی کسے کہتے ہیں؟

ج : پوشیدہ اور ھلکی قسم کی غلطی  کو لحنِ خفی کہتے ہیں

صفات محسّنہ محلیہ میں غلطی واقع ہونے کو لحنِ خفی کہتے ہیں جو کہ نا جائز اور مکروہ ہےاور یہ اگرچہ مُفسدِ صلٰوۃ نہیں مگر اِحتراز و اِجتناب اس سے بھی ضروری ہے

س :  مخرج کِسے کہتے ہیں؟

ج :   مُنہ کے جن موقعوں سے حروف ادا ہوتے ہیں اُن کو مخارج کہتے ہیں

س : مخارج کل کتنے ہیں؟

ج : مخارج کل سترہ ١٧ ہیں

س :  تجوید میں صفات کسے کہتے ہیں؟اور وہ کتنی ہیں؟

ج :   جن کیفیتوں سے حُروف ادا ہوتے ہیں ان کیفیتوں کو صفات کہتے ہیں.اور وہ دو طرح کی ہیں

 ایک وہ کہ اگر  وہ صفت ادا نہ ہو تو وہ حروف ہی نہ رہے ایسی صفت کو ذاتیہ، لازمہ، ممیزہ اور مقوّمہ کہتے ہیں

 اور ایک وہ کہ اگر وہ صفت ادا نہ ہو تو حرف تو وہی رہے گا مگر اس کا حسن و زینت نہ رہے اور ایسی صفت کو محسنہ,مزیّنہ محلیہ عارضیہ کہتے ہیں. 

نوٹ

حروف کے مخارج اور صفاتِ لازمہ میں کوتاہی ہونے سے جو غلطیاں ہوتی ہیں. فنِ تجوید کا اصلی مقصُود اِنہی غلطیوں سے بچنا ہے محض مخارج و صفات حروف کے دیکھ کر اپنے ادا کے صحیح ہونے کا یقین نہ کر بیٹھے اس میں ماہر استاد کی ضرورت ہے. البتّہ جب تک ایسا استاد میّسر نہ ہو بالکل کورا ہونے سے کتابوں ہی سے کام چلانا غنیمت ہے اور تجوید القرآن 

کا مطالعہ ازحد ضروری ہے

Sight Of Right