Surah Fatiha : Introduction

سورہٴ فاتحہ 

نام

         فاتحہ اس چیز کو کہتے ہیں جس سے کسی  مضمون یا کتاب یا کسی چیز کا افتتاح ہو. فاتحہ کھلنے والی, ابتداء کرنے والی سورت (الحمد) اس خدا کی حمد و ثناء بیان کی جاتی ہے

 یہ سورۃ فاتحہ کے نام ہیں

فاتحہ. الحمد. ام القرآن. ام الحدیث. سورۃ شفاء

ام القرآن

(ام مطلب اصل, بنیاد)

زمانۂ نزول      

  یہ نبوت محمدی صلی اللّه علیہ وسلم کے بلکل ابتدائی زمانہ کی سورت ہے بلکہ معتبر روایات سے معلوم ہوتا ہے کہ سب سے پہلی مکمل سورت جو محمدصلی اللّه علیہ وسلم پر نازل ہوئی وہ یہی ہے اس سے پہلے صرف متفرق آیات نازل ہوئی تھیں,جو سورۃ علق, سورۃ مزمل اور سورۃ مدثر وغیرہ میں شامل ہیں اور یہ سورۃ مکی ہے 

مضمون

      اس میں تمام خلاصہ اور مقدمہ ہے قرآن کا ۔

گویا کہ ایک سمندر کو ایک کوزے میں بند کر دیا گیا ہو. یہ سورۃ ایک دعا ہے جو خدا نے ہر اس انسان کو سکھائی ہے جو اس کی کتاب کا مطالعہ شروع کر رہا ہو.ابتداء میں اسکو رکھنے کا مطلب یہ ہے کہ اگر واقعی تم اس کتاب سے فائدہ اٹھانا چاہتے ہو تو پہلے اللّه تعالی سے یہ دعا کرو۔

 پس قرآن کی ابتداء میں اس دعا کی تعلیم دے کر گویا انسان کو یہ تلقین کی گئی ہے کہ وہ اس کتاب کو راہ راست کی جستجو کے لئیے پڑھے

سورۃ فاتحہ ایک دعا ہے بندے کی جانب سے اور قرآن اس کا جواب ہے خدا کی جانب سے,بندہ دعا کرتا ہے کہ اے میرے پروردگار میری رہنمائی کر جواب میں پروردگار پورا قرآن اس کے سامنے رکھ دیتا ہے کہ یہ ہے وہ ہدایت و رہنمائی جس کی درخواست تو نے مجھ سے کی ہے

سورۃ فاتحہ سات آیتوں پر مشتمل ہے 

پہلی تین میں اللّه کی حمد و ثناء ہے اور آخری تین آیتوں میں انسان کی طرف سے دعا اور درخواست ہے,جو اللّه رب العزت نے اپنی رحمت سے خود ہی انسان کو سکھائی ہے.درمیانی ایک آیت میں دونوں چیزیں مشترک ہیں کچھ حمد و ثناء کا پہلو ہے اور کچھ درخواست کا

اس سورۃ میں پانچ صفات ربوبیت کی ہیں اور پانچ صفات عبدیت کی

           صفات ربوبیت      

الحمدللّه : اسم ذات اللّه 

رب : پرورش کرنے والا

الرحمان : خدا تعالی کی مہربانی ہر ایک کو ہمیشہ سے شامل حال ہے

رحیم : جو آخرت میں فرمانبردار ہوگا اس کے لئیے رحیم ہے

مالک : ہر ایک کا مالک اللّه ہی ہے

             صفات عبدیت           

عبادت,عبدیت - انسان کا اولین فریضہ ہے

اِيَّاكَ نَعْبُدُ 

استعانت مدد طلب کرنا 

ہر کام کی اللّه سے مدد طلب کرنا خدا کی مدد کے بغیر کوئی کام پورا نہیں ہو سکتا 

اِيَّاكَ نَعْبُدُ وَاِيَّاكَ نَسْتَعِيْنُ

ہدایت ہر انسان کی ضرورت ہے

اِھْدِنَا الصِّرَاطَ الْمُسْتَـقِيْمَ 

اہل ایمان ہر نماز میں یہ دعا کرتے ہیں

ہدایت پر استقامت 

اس سورۃ میں استقامت طلب کی گئی ہے

نعمتوں کا طلب کرنا

سب سے بڑی نعمت اللّه کی رضا ہے

صِرَاطَ الَّذِيۡنَ اَنۡعَمۡتَ عَلَيۡهِمۡ ۙ غَيۡرِ الۡمَغۡضُوۡبِ عَلَيۡهِمۡ وَلَا الضَّآلِّيۡنَ

غضب ہوتا ہے ہدایت یا علم نہ ہونے کی وجہ سے جیسے ہٹ دھرمی کی وجہ سے جیسے یہود و نصاری